Aşağı ətrafların varikoz genişlənmiş damarlarının konservativ müalicəsi

Aşağı ətraflarında varikoz genişlənmiş damar problemi olan bir çox insan həkim-fleboloq tərəfindən tövsiyyə olunan müalicəyə diqqət göstərmir. Bu kimi davranışların səbəbləri fərqli ola bilər. Müalicədən imtina etmək üçün ən ümumi səbəb cərrahi əməliyyatlara olan qorxudur. Bu baxımdan varikoz genişlənmiş damarlardan əziyyət çəkən insanlar alternativ müalicə üsullarını axtarmağa çalışırlar.

Varikoz damarların konservativ müalicəsinə nələr aiddir?

Aşağı ətrafların varikoz genişlənmiş damarlarının konservativ müalicəsinə sıxılma trikotajı (antivarikoz corab), venotonik qrupundan preparatlar və heparin əsaslı məlhəmlər aid edilə bilər. Bu müalicə üsulları varikoz genişlənmiş damarların ilk təzahürləri olan vaxt həkim-fleboloq tərəfindən təyin edilir. Kompressor trikotaj (düzgün ölçülü) pasiyentə zərər verməyə qadir deyildir.

Kompressor trikotajların istifadəsinə aşağı ətraf varikoz genişlənmiş damarlarının inkişafının ilkin mərhələlərində, eləcə də xəstəliyin qabaqcıl formalarında məsləhət görülür.

Venotonik qrupundan olan preparatların həkim-fleboloq tərəfindən təyin edilməsi və düzgün doza ilə qəbul olunması varikoz genişlənmiş damarların müalicəsi üçün nisbətən təhlükəsiz bir üsula istinad edir. Onlar damar tonusunu gücləndirə və pasiyentin vəziyyətini yaxşılaşdıra bilərlər.

Varikozun müalicəsi zamanı xalq təbabəti

Pasiyent hər hansı bir xalq təbabətini istifadə etməyi qərara alırsa, unutmamalıdır ki, bunların hamısı təhlükəsiz üsullar deyildir. Adətən əksər pasiyentlər tez-tez həkim-fleboloqa varikoz genişlənmiş damarların ağırlaşmaları ilə gəlirlər. Bu vəziyyətdə anamnez bəzi qeyri-ənənəvi üsullarla konservativ müalicəni ehtiva edir.

Aşağı ətrafların varikoz genişlənmiş damarlarının müalicəsində ən çox yayılmış xalq təbabəti üsulu müxtəlif bitkilərdir. Həmçinin, damar divarlarını gücləndirən müxtəlif qidalar da pəhrizə əlavə oluna bilər. Bunlara: cövüz, bal, hind toyuğu əti və s. aiddir. Pasiyentin bu qidalara allergik təsiri yoxdursa, əlbəttə ki, onlar yemək üçün qəbul edilə bilər. Ancaq anlamaq lazımdır ki, bu tip müalicə üsulları aşağı ətrafların damar genişlənməsini müalicə edə bilməz. Bəzi hallarda, ənənəvi tibb yalnız vəziyyəti ağırlaşdıra bilir.

Bunun qarşısını almaq üçün, müalicədə iştirak edən həkim-fleboloqun tövsiyyələrini dinləmək lazımdır. Müalicədən imtina edilməsinin cərrahiyyə qorxusu ilə əlaqəli olması halında, həkim-fleboloqa məsləhət üçün müraciət edilməlidir. Çox güman ki, pasiyentdə cərrahiyyəyə qarşı yaranan qorxular əsassız olacaqdır.