Ayaqların varikoz genişlənmiş damarlarında ağrı

Aşağı ətrafların ən çox görülən varikoz genişlənmiş damarları şişkinlik, ayaqlarda ağrı və ağırlıq kimi şikayətlərlə ortaya çıxır.

Varikoz genişlənmiş damarlarla bağlı ayaq ağrısının səbəbi nədir?

Sağlam insanda damarların və arteriyaların içərisində qan axını var, qanın durğunluğu olmur. Aşağı ətrafların varikoz genişlənmiş damarlarından şikayətlənən insanlarda qan axını əhəmiyyətli dərəcədə zəifləyir. Bu, ilk növbədə damarların qapaq aparatının pozulması nəticəsində baş verir. Normalda damarların boşluğunda qapaq aparatı sıx bağlanır və aşağı ətraflardan qan axınının qarşısını alır. Damarlarında varikoz xəstəliyi olan insanlarda qapaq aparatınn funksiyası pozulacaq və qanın axın istiqamətininin pozulmasına səbəb olacaqdır. İkincisi, varikoz genişlənmiş damarlarda qanın düzgün miqdarda ötürülməsi mümkün olmur. Normalda damar divarının elastikliyinə görə qan axını reallaşır. Damar divarının elastikliyi pozulduqda qan aşağı ətraflarda qalır. Bütün bunlar xroniki damar çatışmazlığına və qan dövranının pozğunluqlarına səbəb olur. Xroniki damar çatışmazlığı təhlükəlidir, çünki orqan və toxumalar müvafiq miqdarda oksigen qəbul edə bilmir. Oksigen çatışmazlığı ayaqlarda ağrının baş verməsində əsas səbəblərindən biridir.

Ayaqlarda ağrı özünü nücə büruzə verir?

Ağrılar xarakteri ilə əlaqədar bir neçə formada fərqləndirilir:

• Dartan ağrı. Dartan ağrı ən çox varikoz genişlənmiş damarlar üçün xarakterikdir. Ayaqlarda uzun müddət xoşagəlməz hisslər ortaya çıxır. Adətən axşama doğru intensivləşir.
• Spazma. Spazma əzələlərin məcburi bir daralmasıdır. Bəzi hallarda varikoz genişlənmiş damarlar ilə əlaqədar aşağı ətraflarda spazmalar baş verə bilər. Ümumiyyətlə, spazmalar ağrı duyğularının yaranmasına səbəb olur. Varikoz genişlənmiş damarlarda baş verən spazmaların başqa bir xəstəliklərin fəsadlarından fərqləndirilməsi vacibdir. Aşağı ətrafların varikoz genişlənmiş damarlarında gecə qıcıqlanmaları (insan maksimal rahatlaşdıqda) müşahidə olunur.
• Kəskin ağrı. Bir müddət sonra kəskin ağrılar əmələ gəlir. Kəskin ağrı varikoz genişlənmiş damarlarda nadirən olur.

Bədəndə hər hansı bir ağrı hissi müəyyən orqanların və sistemlərin işinin pozulduğunu göstərir. Ağrıya diqqət yetirmək lazımdır. Bu qayda xüsusilə aşağı ətrafların varikoz genişlənmiş damarlarında tətbiq olunur. Ən düzgün seçim aşağı ətraflarda ilk ağrı hissi olduğu zaman həkim-fleboloqa müraciət etməkdir. Həkim fleboloq varikoz genişlənmiş damarlarının yaratdığı bir çox çətinliklərin qarşısını almaqda köməklik göstərəcəkdir.